2018 жылғы 10–11 қазан

VI Съезд жаһандық қауіп-қатерлер жағдайында өтті: экстремизмнің өсуі, жастардың радикализациясы, миграциялық дағдарыстар және кейбір аймақтардағы конфессияаралық қатынастардың нашарлауы. Съезд жұмысына 43 елден 82 делегация қатысты, олардың ішінде ірі діни лидерлер, саясаткерлер, халықаралық ұйымдардың өкілдері, сарапшылар мен ғалымдар (БҰҰ, ЕҚЫҰ, ЮНЕСКО, Цивилизациялар Альянсы).

Дискуссия форматтары мен мазмұны
Бағдарламаға 2 пленарлық сессия және 4 секциялық отырыс кірді, тақырыптары:
· «Бейбітшілік. XXI ғасыр» манифесі – жаһандық қауіпсіздіктің концепциясы;
· Геосаясаттағы өзгерістерде діндер: адамзатты біріктірудің жаңа мүмкіндіктері;
· Дін және ғаламдану: сын-қатерлер мен жауаптар;
· Діни лидерлер мен саяси қайраткерлер: экстремизм мен терроризмді жеңу.

Негізгі талқылау бағыттары
· Терроризм мен діни риторика астарындағы зорлық-зомбылыққа қарсы күрес;
· Діннің адам құқығын қорғау және әділеттілікті қамтамасыз етудегі рөлі;
· Жаһандық коммуникациядағы этика, әсіресе цифрлық орта мен БАҚ-та;
· Білім беру және ағартушылық арқылы конфессияаралық төзімділікті дамыту.

Марапаттар мен символикалық мәні бар шаралар
Пленарлық сессияда діни диалогқа қосқан үлесі үшін бірінші Астаналық сыйлық табыс етілді - оны Папалық Кеңес иеленді. Сондай-ақ, Съездтің 15 жылдығына арнайы пошта маркасы шығарылды.

Қабылданған шешімдер
· Қорытынды декларация қабылданып, діни араздық пен экстремизмнің кез келген түрі қабылданбайтындығы бекітілді;
· Мәдени және діни әртүрлілікке құрмет көрсету мен бейбіт қатар өмір сүруге нақты қолдау білдірілді;
· БАҚ пен цифрлық платформалар арқылы ағартушылық жұмыстың маңыздылығы атап өтілді;
· Қазақстанда орналасатын конфессияаралық және цивилизациялық диалог орталығын құру бастамасы ұсынылды;
· Съезд Секретариатының жұмысын күшейтіп, оның аналитикалық, гуманитарлық және коммуникациялық функцияларын кеңейту туралы шешім қабылданды.

Жаңа бастама
Форум шеңберінде Достық және келісім сарайында Бейбітшілік және келісім музейі ресми түрде ашылды - бұл съездтердің тарихы мен миссиясына арналған жаңа мәдени-ағартушылық алаң.

Халықаралық мойындау
VI Съезд нәтижелері ЕҚЫҰ Тұрақты кеңесінің отырысында таныстырылып, форум декларациясы жаһандық қауіпсіздікке қосқан үлес ретінде танылды. ЮНЕСКО, ИСЫ, Ватикан, Әл-Азхар, Константинополь Патриархаты және басқа да рухани орталықтар форумды ресми түрде қолдап, Қазақстанның діндер арасындағы бейбіт диалогты қамтамасыз етудегі рөлін жоғары бағалады.

Бөлімде ұсынылғандар: фотоархив, құжаттар архиві (тұжырымдама, бағдарлама, қатысушылар құрамы, декларация, баяндамалар), съезд қатысушыларының географиясын көрсететін интерактивті карта, Әлемдік және дәстүрлі діндер көшбасшылары Съезінің видеоматериалдары.